baner

Тропарь, кондак и молитва Новомученикам Бердянским

______________________________________________________________________________________                                          

titul_bn3

berd_n_much_30e

день памяти Новомучеников Бердянских — третий четверг после Пасхи

trop_g4_nmr

Ликуй ныне, граде Бердянск, новомученицы бо твои досточуднии Михаил, Виктор и Александр, вземше крест Христов, последовали суть Ему и прияли славу небесную. Сего ради тем дерзновенно возопием: молите Царя Славы избавитися нам от находящих на ны зол и спастися душам нашим.

kondak_nmb

От властей беззаконных гонения и муки смиренно претерпев, венцы нетленные от Царя Славы стяжали есте. Святии священномученицы бердянстии, молите о молебная к вам приносящих и любовию песньми вас ублажающих.

    mol_nmb

О святии новомученицы Христовы, града Бердянска похвало и утверждение, всеблаженнии Михаиле, Викторе и Александре, теплыя наша заступницы и благия помощницы, воззрите милостивно на ны грешныя, чтущия пресветлую память вашу. Испросите у Христа Бога мир Церкви Его, Отечеству нашему благословение, людям православным благочестие и в вере утверждение. Оградите нас молитвами вашими от всякаго злаго обстояния, от глада, губительства, нашествия иноплеменников, междуусобныя брани и от напрасныя смерти. Да сподобимся ходатайством вашим получити оставление грехов и, благочестно на земли поживше, достигнути Царствия небеснаго, идеже вы непрестанно славите Всесвятую Троицу Отца и Сына и Святаго Духа ныне и присно и во веки веков. Аминь.